Ադրբեջանի պաշտպանության նախարարությունը հանդես է եկել հայտարարությամբ, թե օգոստոսի 3-ի վաղ առավոտյան Արցախի ՊԲ-ի հետ Բերձորի շրջանում տեղի ունեցած փոխհրաձգության հետևանքով զինվոր է սպանվել։
«Կրակոցի հետևանքով զոհվել է շարքային Անար Քյազիմով Ռուստամ օղլուն», — ասված է այդ երկրի ՊՆ-ի հայտարարությունում։
Հիշեցնենք, որ Արցախի Պաշտպանության բանակն առավոտյան հանդես էր եկել հայտարարությամբ՝ նշելով, որ ադրբեջանա-արցախյան շփման գծի երկայնքի որոշ հատվածներում լարվածությունը պահպանվում է։