Սարսափելի հոգեվիճակի է, խելագարվելու աստիճան: Բնական է, որ մարդիկ այդ հոգեվիճակում շուրջը կատարվող ամեն ինչ չափում են բացառապես իրենց խնդրի ելակետով, դժգոհում, ասում, որ փրկարարական աշխատանքը անբավարար է, սխալ է, արդյունավետ չէ եւ այլն:
Այդ աշխատանքը պահանջում է մասնագիտական շատ նրբություններ, որոնք հասու չեն շարքային քաղաքացու, եւ առավել եւս մարդկանց, որոնք ծանր հոգեվիճակում, գերլարված նյարդային պայմաններում են: Հարգելի գործընկերներ, այդ իրավիճակում հարազատների խոսքը տիրաժավորելով, որեւէ կերպ չենք նպաստում իրավիճակի կառավարելիությանը, այլ հակառակը՝ նյարդային իրավիճակն ենք ավելի լարում, յուղ լցնում կրակին: Տեսագրեք, խոսեցրեք հարազատներին, նրանց բարձրացրած հարցերը բարձրացրեք մասնագիտական աշխատանքի պատասխանատուների առաջ, բայց թերեւս չարժե տարածել ծանր հոգեվճակում գտնվող անձանց գնահատականները այս պահին:
Դա չի օգնելու ոչ մեկին եւ ոչնչի, դժբախտաբար, փոխարենը կարող է խանգարել կամ վնասել ահագին բանի:
Հետո արդեն, երբ աշխատանքը կավարտվի, կարող եք հարազատների հետ ձեր տեսագրությունների հետքով սկսել հետաքննություն, պարզելու համար, թե ինչ սխալներ կամ բացթողումներ են եղել փրկարարական աշխատանքում:
