Իրանին հաջողվել է ուղեծիր հասցնել ռազմական արբանյակ

Razmakan arbanyak

Ապրիլի 22-ին Իրանի իսլամական հեղափոխության պահապանների կորպուսը (ԻՀՊԿ) ուղեծիր է արձակել իր առաջին ռազմական «Նուռ» (լույս) անունը կրող արբանյակը:

Արձակման բարեհաջող ընթացքի մասին հայտնել են ԻՀՊԿ-ն և Իրանի հաղորդակցության և ինֆորմացիոն տեխնոլոգիաների նախարարը: Նշվում է, որ արբանյակը արձակվել է «Ղասեդ» հրթիռով և տեղակայվելու է ուղեծրում՝ երկրի մակերևույթից 425կմ բարձրության վրա: Բուն արբանյակի կարողությունների մասին մանրամասներ չեն հաղորդվում:

Դատելով հրապարակված տեսանյութից՝ հրթիռը արձակվել է Թեհրանից շուրջ 330կմ արևելք ընկած Շահրուդի հրթիռների փորձարկման և արձակման կենտրոնից:

Հիշեցնենք, որ այս տարվա փետրվարին Իրանը ձախողել էր ուղեծիր հասցնել «Զաֆար-1» կապի արբանյակը, որը արձակվել էր «Սիմորղ» հրթիռով: 2019-ի օգոստոսին կոսմոդռոմում պայթել էր «Սաֆիր» հրթռը, որը ուղեծիր էր բարձրացնում «Նահիդ» կապի արբանյակը: Նախորդ տարվա ձախողվել էր հունվարին լուսանկարահանող «Փայամ» արբանյակը հասցնել ուղեծիր:

 

razm.info

Ձեզ կհետաքրքրի...