Վրաստանը հետ է կանչել Ուկրաինայում իր դեսպանին. ALIQ
Վրաստանյան լրատվամիջոցները տեղեկացնում են, որ Թբիլիսին հետ է կանչել Ուկրաինայում իր դեսպանին: Առայժմ պարզ չէ՝ արդյոք դա կապված է Ուկրաինայի բարեփոխումների գծով փոխվարչապետի պաշտոնում Վրաստանի նախկին նախագահ Միխեիլ Սաակաշվիլիի հնարավոր նշանակման հե՞տ: Վրաստանի արտգործնախարարությունը ո՛չ հերքել, ոչ էլ հաստատել է լուրը:
Դեսպան Թեյմուրազ Շարաշենիձեն ևս հստակ չի պատասխանել իրեն հետ կանչելուն վերաբերող հարցին: Ավելի վաղ այդ քայլը հնարավոր էր համարել իշխող «Վրացական երազանք» կուսակցության խորհրդարանի անդամ Ռատի Իոնաթամիշվիլին:
-
-
