Հրացանով կրակել է երիտասարդի դեմքին․ Գուգարքի ոստիկանների բացահայտումը
Հունիսի 14-ին, ժամը 3-ի սահմաններում, մի կին զանգահարել է 1-02 և հայտնել, որ Վանաձոր քաղաքի ցուցանակի մոտ արնոտված մի տղամարդ է իրենց մեքենան փորձել կանգնեցնել, սակայն իրենք չեն կարողացել կանգնել: Հաղորդումը տարածքային կարգով փոխանցվել է ոստիկանության Գուգարքի բաժին:
Քրեական հետախույզների անհետաձգելի միջոցառումների արդյունքում պարզվել է, որ նույն օրը, ժամը 1.30-ի սահմաններում, Սպիտակ-Վանաձոր ճանապարհի սննդի օբյեկտներից մեկի մոտ Վանաձորի Անդրանիկի փողոցի 43-ամյա մի բնակիչ վիճել է երևանցի 27-ամյա մի երիտասադի հետ և «Վալտեր» տիպի 12 մմ տրամաչափի որսորդական մեկփողանի հրացանով կրակել նրա դեմքին, ինչի հետևանքով երիտասարդը մարմնական վնասվածքներով տեղափոխվել է հիվանդանոց:
Իրավապահների բացատրական աշխատանքի շնորհիվ կասկածյալը նույն օրը, ժամը 7.30-ին, ներկայացել է ոստիկանության Գուգարքի բաժին` իր հետ բերելով հրացանը: Նշանակվել է դատաձգաբանական փորձաքննություն: Հանգամանքները պարզվում են: Փաստի առթիվ նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
-
-
