Արամ Ա կաթողիկոսը Բեյրութում տեղի ունեցած պայթյունից հետո այցելել է հայաբնակ թաղամասեր. Տեսանյութ
Մեծի Տանն Կիլիկիո Արամ Ա կաթողիկոսը Լիբանանի մայրաքաղաք Բեյրութի նավահանգստում տեղի ունեցած խոշոր պայթյունից հետո այցելել է քաղաքի հայաբնակ թաղամասեր: «Արմենպրես»-ի փոխանցմամբ` կաթողիկոսի այցն ուղիղ եթերով հեռարձակում է Cilicia TV-ի «Ֆեյսբուք»-ի պաշտոնական էջը:
Մեծի Տանն Կիլիկիո Արամ Ա կաթողիկոսին ուղեկցում է Բուրջ Համուդի քաղաքապետ Մարտիկ Պողոսյանը:
Օգոստոսի 4-ին հզոր պայթյունը ցնցել է Լիբանանի մայրաքաղաք Բեյրութը: Ստացվող տեղեկությունները տարբեր են, որոշ աղբյուրներում նշվում է երկրորդ պայթյունի մասին ևս: Ականատեսները տեսանկարահանել են կատարվածն ու ներկայացրել ավերածությունները, որոնք տեղի են ունեցել շրջակայքում: Առաջին պայթյունը որոտացել է քաղաքային նավահանգստում, տեղական ժամանակով երեկոյան 18:00-ից հետո: Րոպեներ անց, ըստ որոշ հրապարակումների, ավելի մեծ պայթյուն է որոտացել: Տեսանկարահանումը ֆիքսել է հարվածային ալիքը, որը ցնցել է մի քանի կիլոմետր հեռավորությամբ գտնվող շինությունները:
Լիբանանի առողջապահության նախարարությունը բոլոր հիվանդանոցներին հրահանգել է պատրաստվել վիրավորների ընդունմանը, իսկ երկրի Առողջապահության նախարարը հեռուստատեսությամբ հայտնել է, որ վիրավորների թիվը շատ մեծ է:
Առողջապահության նախարար Համադ Հասանը տեղական ԶԼՄ-ներին հայտնել է, որ նավահանգստում հրավառության պարագաներ տեղափոխող նավ է պայթել:
Reuters գործակալությունը, հղում անելով անվտանգության և առողջապահության ոլորտի լիբանանյան աբյուրներին, հայտնում է, որ Բեյրութի նավահանգստի շրջանում տեղի ունեցած հզոր պայթյունից հետո առնվազն 10 դի է տեղափոխվել հիվանդանոցներ:
Տեսանյութում վնասված շինություններ են երևում, փշրված ապակիներ:
Պայթումէն անմիջապէս ետք, Վեհափառ Հայրապետը այցելեց Պուրճ Համմուտի հայահոծ թաղերի
Опубликовано Cilicia TV Вторник, 4 августа 2020 г.
-
-
