Էրդողանը չի իմացել մեջբերած բանաստեղծության զգայունության մասին. Չավուշօղլուն՝ Զարիֆին.
Թուրքիայի ԱԳ նախարար Մևլյութ Չավուշօղլուն իրանցի գործընկերոջ՝ Մոհամմադ Ջավադ Զարիվի հետ հեռսախոսազրույցի ժամանակ ասել է, որ երկրի նախագահ Ռեջեփ Թայիփ Էրդողանը չի իմացել Բաքվում դեկտեմբերի 10-ին տեղի ունեցած ռազմական շքերթի ժամանակ մեջբերած բանաստեղծության զգայունության մասին. փոխանցում է «Մեհր»-ը: «Թուրքիայի նախագահը հարգում է Իրանի տարածքային ամբողջականությունը և ինքնիշխանությունը»,- ասել է Չավուշօղլուն՝ շեշտելով երկու երկրների միջև սերտ բարեկամական հարաբերությունները: Նշենք, որ երեկ Բաքվի շքերթի ժամանակ ելույթ ունենալիս Էրդողանն ընթերցել էր ադրբեջանցի գրող Բահթիյար Վահաբզադեի բանաստեղծությունը, որում նշվում է, թե Ադրբեջանի՝ Արաքսից հարավ ընկած տարածքները գրավված են։ Փաստացի, էրդողանը տարածքային պահանջներ է ներկայացրել Իրանին։
