Օնիկ Գասպարյանի նախկին զինվորները հանրահավաք կանեն ՊՆ-ի մոտ՝ հաջակցություն ԳՇ պետի
ԳՇ պետ Օնիկ Գասպարյանի նախկին զինվորները մարտի 6-ին՝ ժամը 13:00-ին, հանրահավաք են անելու ՊՆ շենքի մոտ՝ հաջակցություն Օնիկ Գասպարյանին։
«ՀՀ ՊՆ 51191 զորամասի նախկին զինծառայողներ, սիրելի զինակիցներ, բոլորիդ հրավիրում ենք հանրահավաքի՝ սատարելու մեր հրամանատար Օնիկ Գասպարյանին ու Հայոց Բանակին։
Հանրահավաքը տեղի կունենա ս. թ. մարտի 6-ին՝ ժամը 13։00-ին, ՀՀ պաշտպանության նախարարության մուտքի մոտ։
Սիրելի՛ հայրենակիցներ, Հայոց Բանակի վետերաններ, նախկին ծառայողներ լիահույս ենք, որ դուք նույնպես կմիանաք հրավիրված հանրահավաքին։ Մենք պետք ենք այսօր մեր Բանակին, մեր հրամանատարին։ Սիրով կսպասենք ձեզ շաբաթ օրը ՊՆ մուտքի մոտ։
Ոտքի կանգնենք, թիկունք լինենք մեր Բանակին»,-նշված է Վահագն Շուշանյանի Facebook-յան էջում:
