Պիտի ամեն ինչ անենք, որպեսզի մեր երկրի շուրջը ձևավորվի կայուն և անվտանգ միջավայր. Նիկոլ Փաշինյան
ՀՀ վարչապետ Նիկոլ Փաշինյանը Կառավարության նիստի ընթացքում նշեց, որ ամեն ինչ արվելու է, որ Հայաստանի շուրջը ձևավորվի կայուն և անվտանգ միջավայր:
«Առաջին խնդիրներից մեկը մեր երկրի պաշտպանունակությունը շարունակաբար բարձրացնելն է: Մյուս կողմից ես ասել եմ, որ մեր հռչակած՝ մեր երկրի և տարածաշրջանի համար խաղաղ զարգացման օրակարգ բացելու համար մեզ ամուր նյարդեր են հարկավոր: Շատերն անընդհատ փորձելու են ցույց տալ կամ մղել մեզ այն մտքին, որ դա հնարավոր չէ:
Մենք հետևողականորեն շարժվելու ենք այս ճանապարհով և պիտի ամեն ինչ անենք, որպեսզի մեր երկրի շուրջը ձևավորվի կայուն և անվտանգ միջավայր: Սա մեր քաղաքական ամենակարևոր անելիքն է, առավել ևս 2020 թվականի պատերազմից և 2021 թվականի արտահերթ խորհրդարանական ընտրություններից հետո»,- ասաց Նիկոլ Փաշինյանը:
-
-
