ԱՄՆ 16-րդ նախագահ Լինքոլնի ուրվականը շրջում է Սպիտակ տանը. Ջեն Փսակի
Սպիտակ տան խոսնակ Ջեն Փսակիի ճեպազրույցի ժամանակ լսվել է ճռռոցի նման բարձր ձայն, որը վախեցրել է ներկաներին: Սպիտակ տան խոսնակը, չնայած վախին, փորձել է ելք գտնել իրավիճակից և հայտարարել է, որ հայտնվել է ԱՄՆ 16-րդ նախագահ Աբրահամ Լինքոլնի ուրվականը, հաղորդում է The Independent-ը:
«Մի՛ վախեցեք, շենքի տանիքն ամուր է: Հնարավոր է, որ Լինքոլնի ոգին է թափառում Սպիտակ տան միջանցքներում»,- ասել է Փսակին և շարունակել ելույթը:
ԱՄՆ և Ռուսաստանի նախագահների հնարավոր հանդիպման տեղի ու ժամանակի մասին հարցին Փսակին պատասխանել է, որ այս պահին որոշակի տեղեկություններ չկան:
-
-
