Միացյալ Նահանգների նախկին փոխնախագահ Ջո Բայդենը խոստացել է պաշտոնապես ճանաչել Հայոց ցեղասպանությունը ԱՄՆ նախագահ ընտրվելու դեպքում: Քայլ, որից երկրի նախկին նախագահները տարիներ շարունակ խուսափել են:
«Եթե մենք չճանաչենք, չոգեկոչենք ու մեր երեխաներին չսովորեցնենք ցեղասպանության մասին, ապա «Այլևս երբեք» արտահայտությունը կորցնում է իմաստը»:
ԱՄՆ փոխնախագահ Ջո Բայդենը, մասնավորապես, գրել է.
«Ընտրվելու դեպքում խոստանում եմ աջակցել Հայոց ցեղասպանության ճանաչման բանաձևի ընդունմանը և իմ նախագահության տարիներին համամարդկային իրավունքների պաշտպանությունը դարձնել առաջնահերթություն»:
Hill-ը գրում է, որ ԱՄՆ նախագահ Դոնալդ Թրամփն իր հայտարարության մեջ հայերի սպանություններն անվանել է «20-րդ դարի ամենասարսափելի զանգվածային կոտորածներից մեկը», իսկ երկրի նախկին նախագահ Բարաք Օբաման, չնայած նախընտրական խոստմանը, հայերի կոտորածը երբեք ցեղասպանություն չի անվանել:
Անցյալ տարի ԱՄՆ Ներկայացուցիչների պալատն ու Սենատն ընդունել էին Հայոց ցեղասպանության ճանաչման բանաձևը, սակայն Թրամփի վարչակազմը հավանության չէր արժանացրել փաստաթուղթը:
ԱՄՆ նախկին իշխանությունները խուսափել են հայերի կոտորածը ցեղասպանություն կոչելուց՝ վախենալով փչացնել հարաբերությունները ՆԱՏՕ-ի դաշնակից Թուրքիայի հետ: